tira-rangon ke hua haq mein ye tap karna dawa

tīra-rañgoñ ke huā haq meñ ye tap karnā davā

tīrgī jaatī rahī chehre kī aur upchī safā

kyā sabab tere badan ke garm hone kā sajan

āshiqoñ meñ kaun jaltā thā gale kis ke lagā

tū gale kis ke lage lekin kinhī be-rahm ne

garm dekhā ho.egā tere ta.iiñ añkhiyāñ milā

bul-havas nāpāk kī az-bas-ki bhārī hai nazar

parda-e-ismat meñ tū apne ta.iiñ us siiñ chhupā

ashk-e-garm o āh-e-sard āshiq ke ta.iiñ vasvās kar

ḳhuub hai parhez jab ho muḳhtalif āb-o-havā

garm-ḳhūī siiñ pashemāñ ho ke Tuk laao araq

tap kī hālat meñ pasīnā aavnā ho hai bhalā

dil mirā ta.avīz ke juuñ le ke apne paas rakh

to tufail-e-hazrat-e-āshiq ke ho tujh kuuñ shifā

tursh-goī chhoḌ de aur talḳh-goī tark kar

aur khānā jo ki ho ḳhushkā tarī so kar ġhizā

'bū-alī' hai nabz-dānī meñ butāñ kī 'ābrū'

us kā is fan meñ jo nusḳha hai so hai ik kīmiyā

tira-rangon ke hua haq mein ye tap karna dawa

tirgi jati rahi chehre ki aur upchi safa

kya sabab tere badan ke garm hone ka sajan

aashiqon mein kaun jalta tha gale kis ke laga

tu gale kis ke lage lekin kinhi be-rahm ne

garm dekha hoega tere tain ankhiyan mila

bul-hawas napak ki az-bas-ki bhaari hai nazar

parda-e-ismat mein tu apne tain us sin chhupa

ashk-e-garm o aah-e-sard aashiq ke tain waswas kar

KHub hai parhez jab ho muKHtalif aab-o-hawa

garm-KHui sin pasheman ho ke Tuk lao araq

tap ki haalat mein pasina aawna ho hai bhala

dil mera tawiz ke jun le ke apne pas rakh

to tufail-e-hazrat-e-ashiq ke ho tujh kun shifa

tursh-goi chhoD de aur talKH-goi tark kar

aur khana jo ki ho KHushka tari so kar ghiza

'bu-ali' hai nabz-dani mein butan ki 'abru'

us ka is fan mein jo nusKHa hai so hai ek kimiya