tera aashiq mere siwa hai kaun

tirā āshiq mire sivā hai kaun

be-vafā mujh sā bā-vafā hai kaun

ḳhair maiñ aap kā nahīñ koī

kahiye to ġhair aap kā hai kaun

sun ke logoñ se zikr-e-ḳhair mirā

bole kyā jaane vo balā hai kaun

mujh se ulfat thī tujh ko tujh se mujhe

dekh sābit qadam rahā hai kaun

merī tārīf sun ke kahte haiñ

aisā ye shaḳhs yā ḳhudā hai kaun

gar vo deñ apne haath se sāġhar

luuñ maiñ ye kah ke pārsā hai kaun

jab kahā maiñ ne koī hai āshiq

sun ke kahne lage vo kyā hai kaun

maiñ na chāhūñ tujhe to chāhūñ kise

tujh sā dildār dilrubā hai kaun

gar nahīñ tū to ye batā mujh ko

shoḳh ayyār pur-jafā hai kaun

kis ko marne kā ġhair ke ġham hai

rāt-din is meñ mubtalā hai kaun

dard-e-dil gar na maiñ kahūñ tujh se

dard-mandoñ kī phir davā hai kaun

ḳhush-mizājī meñ vaza-dārī meñ

'ranj' sā aur dūsrā hai kaun

tera aashiq mere siwa hai kaun

be-wafa mujh sa ba-wafa hai kaun

KHair main aap ka nahin koi

kahiye to ghair aap ka hai kaun

sun ke logon se zikr-e-KHair mera

bole kya jaane wo bala hai kaun

mujh se ulfat thi tujh ko tujh se mujhe

dekh sabit qadam raha hai kaun

meri tarif sun ke kahte hain

aisa ye shaKHs ya KHuda hai kaun

gar wo den apne hath se saghar

lun main ye kah ke parsa hai kaun

jab kaha main ne koi hai aashiq

sun ke kahne lage wo kya hai kaun

main na chahun tujhe to chahun kise

tujh sa dildar dilruba hai kaun

gar nahin tu to ye bata mujh ko

shoKH ayyar pur-jafa hai kaun

kis ko marne ka ghair ke gham hai

raat-din is mein mubtala hai kaun

dard-e-dil gar na main kahun tujh se

dard-mandon ki phir dawa hai kaun

KHush-mizaji mein waza-dari mein

'ranj' sa aur dusra hai kaun