tera dhyan aata raha der tak

tirā dhyān aatā rahā der tak

maiñ ḳhud ko bhī achchhā lagā der tak

har ik baat se lā-ta.alluq rahā

sunī maiñ ne apnī sadā der tak

musāfir tirā zikr karte rahe

mahaktā rahā rāsta der tak

vahī saarī bāteñ vahī sab ḳhayāl

chalā raat bhī silsila der tak

navāze ga.e kuchh bhale aadmī

sabhā meñ tamāshā huā der tak

tavajjoh ke tālib the manzar sabhī

vahāñ kaun ruktā bhalā der tak

tera dhyan aata raha der tak

main KHud ko bhi achchha laga der tak

har ek baat se la-talluq raha

suni main ne apni sada der tak

musafir tera zikr karte rahe

mahakta raha rasta der tak

wahi sari baaten wahi sab KHayal

chala raat bhi silsila der tak

nawaze gae kuchh bhale aadmi

sabha mein tamasha hua der tak

tawajjoh ke talib the manzar sabhi

wahan kaun rukta bhala der tak