tera gham rahe salamat yahi meri zindagi hai

tirā ġham rahe salāmat yahī merī zindagī hai

tire ġham se mere jānāñ mire dil meñ raushnī hai

mirī mai-kashī kā hāsil vo sharāb ban ga.ī hai

jo milī tirī nazar se jo tirī nazar se pī hai

tujhe sāmne biThā kar sadā pūjtā rahūñ maiñ

hai yahī mirī ibādat yahī merī bandagī hai

mire dil meñ basne vaale tujhe kaise bhuul jā.ūñ

tirā ishq merā maz.hab tirī yaad zindagī hai

mirī iltijā hai tujh se mirī bandagī badal de

ki tire karam mirī jaañ mirī lau lagī huī hai

maiñ faqīr āstāñ huuñ mirī laaj rakh ḳhudārā

ye jabīn-e-shauq merī tire dar pe jhuk ga.ī hai

maiñ 'fanā' kī manziloñ meñ huuñ fanā ki ba.ad zinda

tirī aarzū meñ miT kar mujhe zindagī milī hai

tera gham rahe salamat yahi meri zindagi hai

tere gham se mere jaanan mere dil mein raushni hai

meri mai-kashi ka hasil wo sharab ban gai hai

jo mili teri nazar se jo teri nazar se pi hai

tujhe samne biTha kar sada pujta rahun main

hai yahi meri ibaadat yahi meri bandagi hai

mere dil mein basne wale tujhe kaise bhul jaun

tera ishq mera mazhab teri yaad zindagi hai

meri iltija hai tujh se meri bandagi badal de

ki tere karam meri jaan meri lau lagi hui hai

main faqir aastan hun meri laj rakh KHudara

ye jabin-e-shauq meri tere dar pe jhuk gai hai

main 'fana' ki manzilon mein hun fana ki baad zinda

teri aarzu mein miT kar mujhe zindagi mili hai