tera husn bhi bahana mera ishq bhi bahana

tirā husn bhī bahāna mirā ishq bhī bahāna

ye latīf isti.āre na samajh sakā zamāna

maiñ nisār-e-dast-e-nāzuk jo uThā.e nāzishāna

ki sañvar ga.iiñ ye zulfeñ to sañvar gayā zamāna

tirī zindagī tabassum mirī zindagī talātum

mirī zindagī haqīqat tirī zindagī fasāna

tirī zulf-e-ḳham-ba-ḳham ne na.e silsile nikāle

mirī sīna-chākiyoñ se jo banā mizāj-e-shāna

tirā nāz-e-kibriyā.ī bhī maqām-e-ġhaur meñ hai

ki ghaTā diyā hai sajdoñ ne vaqār-e-āstāna

maiñ darūn-e-ḳhāna aa kar bhī liye huuñ dāġh-e-sajda

hai abhī mirī jabīñ par asar-e-barūn-e-ḳhāna

kabhī raah maiñ ne badlī to zamīñ kā raqs badlā

kabhī saañs lī Thahar kar to Thahar gayā zamāna

tera husn bhi bahana mera ishq bhi bahana

ye latif istiare na samajh saka zamana

main nisar-e-dast-e-nazuk jo uThae nazishana

ki sanwar gain ye zulfen to sanwar gaya zamana

teri zindagi tabassum meri zindagi talatum

meri zindagi haqiqat teri zindagi fasana

teri zulf-e-KHam-ba-KHam ne nae silsile nikale

meri sina-chaakiyon se jo bana mizaj-e-shana

tera naz-e-kibriyai bhi maqam-e-ghaur mein hai

ki ghaTa diya hai sajdon ne waqar-e-astana

main darun-e-KHana aa kar bhi liye hun dagh-e-sajda

hai abhi meri jabin par asar-e-barun-e-KHana

kabhi rah main ne badli to zamin ka raqs badla

kabhi sans li Thahar kar to Thahar gaya zamana