tera jalwa sham-o-sahar dekhte hain

tirā jalva shām-o-sahar dekhte haiñ

salīqe se shams-o-qamar dekhte haiñ

pahuñchnā hai dil tak nazar dekhte haiñ

kidhar dekhnā thā kidhar dekhte haiñ

mohabbat kā un par asar dikhte haiñ

milā kar nazar se nazar dekhte haiñ

tujhe dekhne vaale yuuñ to bahut haiñ

magar ham ba-rañg-e-digar dekhte haiñ

jo haiñ nukta-chīñ vo kareñ nukta-chīnī

jo ahl-e-hunar haiñ hunar dekhte haiñ

abhī tak to jī ham ne khoyā nahīñ hai

abhī zabt-e-ġham kā asar dekhte haiñ

unheñ merī 'farhat' ḳhabar ho to kyūñkar

jo aḳhbār paḌh kar ḳhabar dekhte haiñ

tera jalwa sham-o-sahar dekhte hain

saliqe se shams-o-qamar dekhte hain

pahunchna hai dil tak nazar dekhte hain

kidhar dekhna tha kidhar dekhte hain

mohabbat ka un par asar dikhte hain

mila kar nazar se nazar dekhte hain

tujhe dekhne wale yun to bahut hain

magar hum ba-rang-e-digar dekhte hain

jo hain nukta-chin wo karen nukta-chini

jo ahl-e-hunar hain hunar dekhte hain

abhi tak to ji hum ne khoya nahin hai

abhi zabt-e-gham ka asar dekhte hain

unhen meri 'farhat' KHabar ho to kyunkar

jo aKHbar paDh kar KHabar dekhte hain