tere farq-e-naz pe taj hai mere dosh-e-gham pe galim hai

tire farq-e-nāz pe taaj hai mire dosh-e-ġham pe galīm hai

tirī dāstāñ bhī aziim hai mirī dāstāñ bhī aziim hai

mirī kitnī sochtī sub.hoñ ko ye ḳhayāl zahr pilā gayā

kisī tapte lamhe kī aah hai ki ḳhirām-e-mauj-e-nasīm hai

tah-e-ḳhāk kirmak-e-dāna jo bhī sharīk-e-raqs-e-hayāt hai

na bas ek jalva-e-tūr hai na bas ek shauq-e-kalīm hai

ye har ek samt masāfatoñ meñ guñdhī paḌī haiñ jo sā.ateñ

tirī zindagī mirī zindagī inhī mausamoñ kī shamīm hai

kahīñ mahmaloñ kā ġhubār uḌe kahīñ manziloñ ke diye jaleñ

ḳham-e-āsmāñ rah-e-kārvāñ na maqām hai na muqīm hai

haram aur dair fasāna hai yahī jaltī saañs zamāna hai

yahī gosha-e-dil-e-nā-subūr hī kunj-e-bāġh-e-na.īm hai

tere farq-e-naz pe taj hai mere dosh-e-gham pe galim hai

teri dastan bhi azim hai meri dastan bhi azim hai

meri kitni sochti subhon ko ye KHayal zahr pila gaya

kisi tapte lamhe ki aah hai ki KHiram-e-mauj-e-nasim hai

tah-e-KHak kirmak-e-dana jo bhi sharik-e-raqs-e-hayat hai

na bas ek jalwa-e-tur hai na bas ek shauq-e-kalim hai

ye har ek samt masafaton mein gundhi paDi hain jo saaten

teri zindagi meri zindagi inhi mausamon ki shamim hai

kahin mahmalon ka ghubar uDe kahin manzilon ke diye jalen

KHam-e-asman rah-e-karwan na maqam hai na muqim hai

haram aur dair fasana hai yahi jalti sans zamana hai

yahi gosha-e-dil-e-na-subur hi kunj-e-bagh-e-naim hai