tere gale mein jo banhon ko Dal rakhte hain

tire gale meñ jo bāñhoñ ko Daal rakhte haiñ

tujhe manāne kā kaisā kamāl rakhte haiñ

tujhe ḳhabar hai tujhe sochne kī ḳhātir ham

bahut se kaam muqaddar pe Taal rakhte haiñ

koī bhī faisla ham soch kar nahīñ karte

tumhāre naam kā sikka uchhāl rakhte haiñ

tumhāre ba.ad ye aadat sī ho ga.ī apnī

bikharte sūkhte patte sambhāl rakhte haiñ

ḳhushī sī miltī hai ḳhud ko aziyyateñ de kar

so jān-būjh ke dil ko niDhāl rakhte haiñ

kabhī kabhī vo mujhe hañs ke dekh lete haiñ

kabhī kabhī mirā behad ḳhayāl rakhte haiñ

tumhāre hijr meñ ye haal ho gayā apnā

kisī kā ḳhat ho use bhī sambhāl rakhte haiñ

ḳhushī mile to tire ba.ad ḳhush nahīñ hote

ham apnī aañkh meñ har-dam malāl rakhte haiñ

zamāne-bhar se bachā kar vo apne āñchal meñ

mire vajūd ke TukḌe sambhāl rakhte haiñ

kuchh is liye bhī to behāl ho ga.e ham log

tumhārī yaad kā behad ḳhayāl rakhte haiñ

tere gale mein jo banhon ko Dal rakhte hain

tujhe manane ka kaisa kamal rakhte hain

tujhe KHabar hai tujhe sochne ki KHatir hum

bahut se kaam muqaddar pe Tal rakhte hain

koi bhi faisla hum soch kar nahin karte

tumhaare nam ka sikka uchhaal rakhte hain

tumhaare baad ye aadat si ho gai apni

bikharte sukhte patte sambhaal rakhte hain

KHushi si milti hai KHud ko aziyyaten de kar

so jaan-bujh ke dil ko niDhaal rakhte hain

kabhi kabhi wo mujhe hans ke dekh lete hain

kabhi kabhi mera behad KHayal rakhte hain

tumhaare hijr mein ye haal ho gaya apna

kisi ka KHat ho use bhi sambhaal rakhte hain

KHushi mile to tere baad KHush nahin hote

hum apni aankh mein har-dam malal rakhte hain

zamane-bhar se bacha kar wo apne aanchal mein

mere wajud ke TukDe sambhaal rakhte hain

kuchh is liye bhi to behaal ho gae hum log

tumhaari yaad ka behad KHayal rakhte hain