tere gham mein jo sulgi ja rahi hai

tire ġham meñ jo sulgī jā rahī hai

mujhe cigarette vo piitī jā rahī hai

manāyā jā rahā hai ġham tumhārā

purānī film dekhī jā rahī hai

jo dp lag ga.ī number pe tere

vo sub.h-o-shām dekhī jā rahī hai

jahāñ bātoñ meñ kaTnī chāhiye thī

vahāñ par baat kaaTī jā rahī hai

nigāhoñ se vo ojhal ho rahā hai

koī gaaḌī hai chhūTī jā rahī hai

tire kūche kī miTTī bā-vafā hai

mire pairoñ se lipTī jā rahī hai

nayā canvas lagā Daalā hai dil meñ

na.ī tasvīr sochī jā rahī hai

tere gham mein jo sulgi ja rahi hai

mujhe cigarette wo piti ja rahi hai

manaya ja raha hai gham tumhaara

purani film dekhi ja rahi hai

jo dp lag gai number pe tere

wo subh-o-sham dekhi ja rahi hai

jahan baaton mein kaTni chahiye thi

wahan par baat kaTi ja rahi hai

nigahon se wo ojhal ho raha hai

koi gaDi hai chhuTi ja rahi hai

tere kuche ki miTTi ba-wafa hai

mere pairon se lipTi ja rahi hai

naya canwas laga Dala hai dil mein

nai taswir sochi ja rahi hai