tere jamal ki zinat meri talab se hai

tire jamāl kī zīnat mirī talab se hai

mirī hayāt meñ ḳhushbū tire sabab se hai

numūd-e-ishq-e-karam se kabhī ġhazab se hai

ḳhumār-e-chashm se hai sho.ala-hā-e-lab se hai

kise dimāġh sar-e-rāh un se baat kare

diloñ meñ ek ḳhalish ḳhūbī-e-adab se hai

qadam ruke haiñ kisī shoḳh ajnabī ke liye

ye zauq-e-dīd bhī kuchh tere zulf-o-lab se hai

junūn-e-ishq se iz.hār-e-āshiqī mālūm

kise ḳhabar ki koī mahv-e-nāz kab se hai

ye ehtiyāt-e-mohabbat ki us sanam ke sivā

jahāñ meñ rasm-e-payām-o-salām sab se hai

ham ahl-e-dil haiñ bahut be-niyāz-e-ġham 'saifī'

ye tāb-e-zīst usī mahfil-e-tarab se hai

tere jamal ki zinat meri talab se hai

meri hayat mein KHushbu tere sabab se hai

numud-e-ishq-e-karam se kabhi ghazab se hai

KHumar-e-chashm se hai shoala-ha-e-lab se hai

kise dimagh sar-e-rah un se baat kare

dilon mein ek KHalish KHubi-e-adab se hai

qadam ruke hain kisi shoKH ajnabi ke liye

ye zauq-e-did bhi kuchh tere zulf-o-lab se hai

junun-e-ishq se izhaar-e-ashiqi malum

kise KHabar ki koi mahw-e-naz kab se hai

ye ehtiyat-e-mohabbat ki us sanam ke siwa

jahan mein rasm-e-payam-o-salam sab se hai

hum ahl-e-dil hain bahut be-niyaz-e-gham 'saifi'

ye tab-e-zist usi mahfil-e-tarab se hai