tere kanon mein koi baat batani thi hamein

tire kānoñ meñ koī baat batānī thī hameñ

dil meñ sakhiyoñ ke tirī aag lagānī thī hameñ

hameñ bāzār ne Thukrāyā to ghar lauTe haiñ

ik mohabbat to bahr-e-hāl nibhānī thī hameñ

chāñdnī aap kī āñkhoñ meñ bhalī lagtī hai

ho ijāzat to zarā umr bitānī thī hameñ

rañg darkār the ham ko tirī ḳhāmoshī ke

ek āvāz kī tasvīr banānī thī hameñ

hameñ cigarette bhī to piinī thī nikal kar ghar se

apnī uñglī pe ye duniyā bhī nachānī thī hameñ

tazkira is kā nahīñ ishq bachāyā kis ne

mas.ala ye thā ki ab jaan bachānī thī hameñ

aaj ham us ke dupaTTe kī mahak se haiñ bañdhe

vahī laḌkī jo kabhī dushman-e-jānī thī hameñ

tere kanon mein koi baat batani thi hamein

dil mein sakhiyon ke teri aag lagani thi hamein

hamein bazar ne Thukraya to ghar lauTe hain

ek mohabbat to bahr-e-haal nibhani thi hamein

chandni aap ki aankhon mein bhali lagti hai

ho ijazat to zara umr bitani thi hamein

rang darkar the hum ko teri KHamoshi ke

ek aawaz ki taswir banani thi hamein

hamein cigarette bhi to pini thi nikal kar ghar se

apni ungli pe ye duniya bhi nachani thi hamein

tazkira is ka nahin ishq bachaya kis ne

masala ye tha ki ab jaan bachani thi hamein

aaj hum us ke dupaTTe ki mahak se hain bandhe

wahi laDki jo kabhi dushman-e-jaani thi hamein