tere KHayal ke sadqe ye kya maqam aaya
tire ḳhayāl ke sadqe ye kyā maqām aayā
kabhī hayāt kabhī maut kā payām aayā
tirā ḳhayāl mirā soz-e-ārzū-e-sahar
koī to thā shab-e-furqat jo dil ke kaam aayā
kisī umiid kā maarā dikhā.ī detā thā
vo ḳhush-nasīb parinda jo zer-e-dām aayā
kisī ke ḳhat meñ kaheñ zikr tak na thā us kā
vo ik payām-e-ḳhusūsī jo dil ke naam aayā
na pūchh kitnī hayāt-āfrīñ hai rāh-e-vafā
sunā hai 'dil' bhī usī marhale meñ kaam aayā
tere KHayal ke sadqe ye kya maqam aaya
kabhi hayat kabhi maut ka payam aaya
tera KHayal mera soz-e-arzu-e-sahar
koi to tha shab-e-furqat jo dil ke kaam aaya
kisi umid ka mara dikhai deta tha
wo KHush-nasib parinda jo zer-e-dam aaya
kisi ke KHat mein kahen zikr tak na tha us ka
wo ek payam-e-KHususi jo dil ke nam aaya
na puchh kitni hayat-afrin hai rah-e-wafa
suna hai 'dil' bhi usi marhale mein kaam aaya
- Book : Aaina-e-Dil (Pg. 71)
- Author : Dil Ayubi
- Publication : Nazish Book Center Lahore (1995)
- Edition : 1995
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
