tere KHayal se lo de uThi hai tanhai

Nasir Kazmi

tere KHayal se lo de uThi hai tanhai

Nasir Kazmi

MORE BYNasir Kazmi

    tire ḳhayāl se lo de uThī hai tanhā.ī

    shab-e-firāq hai terī jalva-ārā.ī

    kis ḳhayāl meñ hai manziloñ ke shaidā.ī

    unheñ bhī dekh jinheñ rāste meñ niiñd aa.ī

    pukār ai jars-e-kārvān-e-sub.h-e-tarb

    bhaTak rahe haiñ añdheroñ meñ tere saudā.ī

    Thahar ga.e haiñ sar-e-rāh ḳhaak uḌāne ko

    musāfiroñ ko na chheḌ ai havā-e-sahrā.ī

    rah-e-hayāt meñ kuchh marhale to dekh liye

    ye aur baat tirī aarzū na raas aa.ī

    ye sāneha bhī mohabbat meñ bār-hā guzrā

    ki us ne haal bhī pūchhā to aañkh bhar aa.ī

    dil-e-fasurda meñ phir dhaḌkanoñ shor uThā

    ye baiThe baiThe mujhe kin dinoñ yaad aa.ī

    maiñ sote sote ka.ī baar chauñk chauñk paḌā

    tamām raat tire pahluoñ se aañch aa.ī

    jahāñ bhī thā koī fitna taḌap ke jaag uThā

    tamām hosh thī mastī meñ terī añgḌā.ī

    khulī jo aañkh to kuchh aur samāñ dekhā

    vo log the na vo jalse na shahr-e-rānā.ī

    vo tāb-e-dard vo saudā-e-intizār kahāñ

    unhī ke saath ga.ī tāqat-e-shakebā.ī

    phir us yaad meñ dil be-qarār hai 'nāsir'

    bichhaḌ ke jis se huī shahr shahr rusvā.ī

    tere KHayal se lo de uThi hai tanhai

    shab-e-firaq hai ya teri jalwa-arai

    tu kis KHayal mein hai manzilon ke shaidai

    unhen bhi dekh jinhen raste mein nind aai

    pukar ai jars-e-karwan-e-subh-e-tarb

    bhaTak rahe hain andheron mein tere saudai

    Thahar gae hain sar-e-rah KHak uDane ko

    musafiron ko na chheD ai hawa-e-sahrai

    rah-e-hayat mein kuchh marhale to dekh liye

    ye aur baat teri aarzu na ras aai

    ye saneha bhi mohabbat mein bar-ha guzra

    ki us ne haal bhi puchha to aankh bhar aai

    dil-e-fasurda mein phir dhaDkanon ka shor uTha

    ye baiThe baiThe mujhe kin dinon ki yaad aai

    main sote sote kai bar chaunk chaunk paDa

    tamam raat tere pahluon se aanch aai

    jahan bhi tha koi fitna taDap ke jag uTha

    tamam hosh thi masti mein teri angDai

    khuli jo aankh to kuchh aur hi saman dekha

    wo log the na wo jalse na shahr-e-ranai

    wo tab-e-dard wo sauda-e-intizar kahan

    unhi ke sath gai taqat-e-shakebai

    phir us ki yaad mein dil be-qarar hai 'nasir'

    bichhaD ke jis se hui shahr shahr ruswai

    Videos
    This video is playing from YouTube

    Videos
    This video is playing from YouTube

    Ejaz Hussain Hazravi

    Ejaz Hussain Hazravi

    Iqbal Bano

    Iqbal Bano

    RECITATIONS

    Nomaan Shauque

    Nomaan Shauque

    Nomaan Shauque

    tere KHayal se lo de uThi hai tanhai Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY