tere shahr-e-amn ka kya kahen ki har ek makan juda sa hai

tire shahr-e-amn kā kyā kaheñ ki har ik makān judā sā hai

haiñ daroñ pe qufl lage hue sar-e-tāq diip bujhā sā hai

tirā dasht bhī to hai be-karāñ mirī vahshatoñ kī bhī had nahīñ

mire jurm-e-ḳhāna-ḳharāb ko to ye rahguzar bhī dilāsā hai

tirī yaad aa.ī to kis tarah maiñ pukārtā hī chalā gayā

koī dam rukā to ḳhabar huī ki ye koh koh-e-nidā sā hai

mirī ġhairat-e-hama-gīr ne mujhe tere dar se uThā diyā

kuchh anā kā zor jo kam huā to ḳhabar huī tū ḳhudā sā hai

abhī lā kī manzil-e-saḳht meñ huuñ fareb-o-vahm-o-gumāñ liye

mire dil meñ phir bhī basā huā tirā naam radd-e-balā sā hai

ye masāfateñ shab-e-tār kī ye na ḳhatm hone ke silsile

abhī fāsla rag-e-jāñ se hai to hanūz garche zarā sā hai

tire ḳhatt-e-husn-e-jamāl ko mire harf-e-ā.ina-sāz ne

ka.ī rañg de diye pur-kashish magar ab bhī ek ḳhalā sā hai

tere shahr-e-amn ka kya kahen ki har ek makan juda sa hai

hain daron pe qufl lage hue sar-e-taq dip bujha sa hai

tera dasht bhi to hai be-karan meri wahshaton ki bhi had nahin

mere jurm-e-KHana-KHarab ko to ye rahguzar bhi dilasa hai

teri yaad aai to kis tarah main pukarta hi chala gaya

koi dam ruka to KHabar hui ki ye koh koh-e-nida sa hai

meri ghairat-e-hama-gir ne mujhe tere dar se uTha diya

kuchh ana ka zor jo kam hua to KHabar hui tu KHuda sa hai

abhi la ki manzil-e-saKHt mein hun fareb-o-wahm-o-guman liye

mere dil mein phir bhi basa hua tera nam radd-e-bala sa hai

ye masafaten shab-e-tar ki ye na KHatm hone ke silsile

abhi fasla rag-e-jaan se hai to hanuz garche zara sa hai

tere KHatt-e-husn-e-jamal ko mere harf-e-aina-saz ne

kai rang de diye pur-kashish magar ab bhi ek KHala sa hai