teri madad ka yahan tak hisab dena paDa

tirī madad kā yahāñ tak hisāb denā paḌā

charāġh le ke mujhe āftāb denā paḌā

har ek haath meñ do do sifārshī ḳhat the

har ek shaḳhs ko koī ḳhitāb denā paḌā

ta.alluqāt meñ kuchh to darār paḌnī thī

ka.ī savāl the jin kā javāb denā paḌā

ab is sazā se baḌī aur kyā sazā hogī

na.e sire se purānā hisāb denā paḌā

is intizām se kyā koī mutma.in hotā

kisī kā hissa kisī ko janāb denā paḌā

teri madad ka yahan tak hisab dena paDa

charagh le ke mujhe aaftab dena paDa

har ek hath mein do do sifarshi KHat the

har ek shaKHs ko koi KHitab dena paDa

talluqat mein kuchh to darar paDni thi

kai sawal the jin ka jawab dena paDa

ab is saza se baDi aur kya saza hogi

nae sire se purana hisab dena paDa

is intizam se kya koi mutmain hota

kisi ka hissa kisi ko janab dena paDa