تری قربتیں ہیں سکوں جان جاناں

تری قربتیں ہیں سکوں جان جاناں

وگرنہ محبت جنوں جان جاناں

جو سوچوں میں حالات اپنے وطن کے

رگوں میں سے رستا ہے خوں جان جاناں

ابھی تک گھنیری سی چادر میں ہوں میں

کسی زلف کا ہے فسوں جان جاناں

فسانے محبت کے زندہ رہیں گے

میں لکھوں نہ چاہے لکھوں جان جاناں

تمہاری محبت کا اب بھی قسم سے

مرے چار سو ہے فسوں جان جاناں

خریدار تو ہو تو خواہش ہے میری

کہ یوسف کے طرح بکوں جان جاناں

زمانہ تو کہتا ہے کہتا رہے گا

یہ یوں ہے یہ یوں ہے یہ یوں جان جاناں