teri samt jaane ka rasta nahin ho raha
tirī samt jaane kā rāsta nahīñ ho rahā
rah-e-ishq meñ koī mo.ajiza nahīñ ho rahā
koī aa.ina ho jo ḳhud se mujh ko milā sake
mirā apne-āp se sāmnā nahīñ ho rahā
tū ḳhudā-e-husn-o-jamāl hai to huā kare
terī bandagī se mirā bhalā nahīñ ho rahā
koī raat aa ke Thahar ga.ī mirī zaat meñ
mirā raushnī se bhī rābta nahīñ ho rahā
use apne hoñToñ kā lams do ki ye saañs le
ye jo peḌ hai ye harā-bharā nahīñ ho rahā
teri samt jaane ka rasta nahin ho raha
rah-e-ishq mein koi moajiza nahin ho raha
koi aaina ho jo KHud se mujh ko mila sake
mera apne-ap se samna nahin ho raha
tu KHuda-e-husn-o-jamal hai to hua kare
teri bandagi se mera bhala nahin ho raha
koi raat aa ke Thahar gai meri zat mein
mera raushni se bhi rabta nahin ho raha
use apne honTon ka lams do ki ye sans le
ye jo peD hai ye hara-bhara nahin ho raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
