teri talab thi tere aastan se lauT aae

tirī talab thī tire āstāñ se lauT aa.e

ḳhizāñ-nasīb rahe gulsitāñ se lauT aa.e

ba-sad-yaqīn baḌhe hadd-e-gumāñ se lauT aa.e

dil o nazar ke taqāze kahāñ se lauT aa.e

sar-e-niyāz ko paayā na jab tire qābil

ḳharāb-e-ishq tire āstāñ se lauT aa.e

qafas ke uns ne is darja kar diyā majbūr

ki us kī yaad meñ ham āshiyāñ se lauT aa.e

bulā rahī haiñ jo terī sitāra-bār āñkheñ

mirī nigāh na kyuuñ kahkashāñ se lauT aa.e

na dil meñ ab vo ḳhalish hai na zindagī meñ taḌap

ye kah do phir mire dard-e-nihāñ se lauT aa.e

guloñ kī mahfil-e-rañgīñ meñ ḳhaar ban na sake

bahār aa.ī to ham gulsitāñ se lauT aa.e

fareb ham ko na kyā kyā is aarzū ne diye

vahī thī manzil-e-dil ham jahāñ se lauT aa.e

teri talab thi tere aastan se lauT aae

KHizan-nasib rahe gulsitan se lauT aae

ba-sad-yaqin baDhe hadd-e-guman se lauT aae

dil o nazar ke taqaze kahan se lauT aae

sar-e-niyaz ko paya na jab tere qabil

KHarab-e-ishq tere aastan se lauT aae

qafas ke uns ne is darja kar diya majbur

ki us ki yaad mein hum aashiyan se lauT aae

bula rahi hain jo teri sitara-bar aankhen

meri nigah na kyun kahkashan se lauT aae

na dil mein ab wo KHalish hai na zindagi mein taDap

ye kah do phir mere dard-e-nihan se lauT aae

gulon ki mahfil-e-rangin mein KHar ban na sake

bahaar aai to hum gulsitan se lauT aae

fareb hum ko na kya kya is aarzu ne diye

wahi thi manzil-e-dil hum jahan se lauT aae