teri yaadon ki naqqashi khurach kar phenk aae hain

tirī yādoñ kī naqqāshī khurach kar pheñk aa.e haiñ

jhulastī ret par ham ik samundar pheñk aa.e haiñ

aqīq-o-nīlam-o-la.al-o-javāhar pheñk aa.e haiñ

samundar meñ ajab manzar shanāvar pheñk aa.e haiñ

tirī yādeñ tirī bāteñ sabhī aurāq-e-pārīna

ham ik ik kar ke sab dil-soz manzar pheñk aa.e haiñ

talātum ho ki tūfāñ ho ye dariyā paar karnā hai

ham apnī kashtiyāñ maujoñ ke andar pheñk aa.e haiñ

teri yaadon ki naqqashi khurach kar phenk aae hain

jhulasti ret par hum ek samundar phenk aae hain

aqiq-o-nilam-o-lal-o-jawahar phenk aae hain

samundar mein ajab manzar shanawar phenk aae hain

teri yaaden teri baaten sabhi auraq-e-parina

hum ek ek kar ke sab dil-soz manzar phenk aae hain

talatum ho ki tufan ho ye dariya par karna hai

hum apni kashtiyan maujon ke andar phenk aae hain