tishnagi dil ki bujhana to KHabar kar dena

tishnagī dil kī bujhānā to ḳhabar kar denā

ashk āñkhoñ meñ chhupānā to ḳhabar kar denā

ham ne kuchh giit likhe haiñ jo sunānā haiñ tumheñ

tum kabhī bazm sajānā to ḳhabar kar denā

hādse rāh-e-mohabbat kā muqaddar Thahre

jab hameñ dil se bhulānā to ḳhabar kar denā

jin kitāboñ meñ chhupā.e haiñ mire ḳhat tum ne

un kitāboñ ko jalānā to ḳhabar kar denā

aaj begāna samajhte ho to samjho lekin

jab satā.e ye zamāna to ḳhabar kar denā

maiñ zarūr ā.ūñgā 'mansūr' tumhārī ḳhātir

tum jo maqtal ko sajānā to ḳhabar kar denā

tishnagi dil ki bujhana to KHabar kar dena

ashk aankhon mein chhupana to KHabar kar dena

hum ne kuchh git likhe hain jo sunana hain tumhein

tum kabhi bazm sajaana to KHabar kar dena

hadse rah-e-mohabbat ka muqaddar Thahre

jab hamein dil se bhulana to KHabar kar dena

jin kitabon mein chhupae hain mere KHat tum ne

un kitabon ko jalana to KHabar kar dena

aaj begana samajhte ho to samjho lekin

jab satae ye zamana to KHabar kar dena

main zarur aaunga 'mansur' tumhaari KHatir

tum jo maqtal ko sajaana to KHabar kar dena