titliyan jugnu sabhi honge magar dekhega kaun

titliyāñ jugnū sabhī hoñge magar dekhegā kaun

ham sajā bhī leñ agar dīvār-o-dar dekhegā kaun

ab to ham haiñ jāgne vaale tirī ḳhātir yahāñ

ham na hoñge to tire shaam o sahar dekhegā kaun

jis kī ḳhātir ham-suḳhan sachchā.ī ke raste chale

jab vahī us ko na dekhe to hunar dekhegā kaun

sab ne apnī apnī āñkhoñ par naqābeñ Daal liiñ

jo likhā hai shahr kī dīvār par dekhegā kaun

be-sitāra zindagī ke ghar meñ ab bhī raat ko

ik kiran tere ḳhayāloñ kī magar dekhegā kaun

titliyan jugnu sabhi honge magar dekhega kaun

hum saja bhi len agar diwar-o-dar dekhega kaun

ab to hum hain jagne wale teri KHatir yahan

hum na honge to tere sham o sahar dekhega kaun

jis ki KHatir ham-suKHan sachchai ke raste chale

jab wahi us ko na dekhe to hunar dekhega kaun

sab ne apni apni aankhon par naqaben Dal lin

jo likha hai shahr ki diwar par dekhega kaun

be-sitara zindagi ke ghar mein ab bhi raat ko

ek kiran tere KHayalon ki magar dekhega kaun