to aaKHir saz-e-hasti kyun tarab-ahang-e-mahfil tha

to āḳhir sāz-e-hastī kyuuñ tarab-āhañg-e-mahfil thā

nashāt-ā.īn kaif-e-be-dilī yārab agar dil thā

ba-faiz-e-be-ḳhudī aise maqām-e-shauq meñ ham the

jahāñ kār-e-husūl-e-mudda.ā tahsīl-e-hāsil thā

maqām-e-hū suvaidā-e-mujarrad ālam-e-hairat

mirī gum-gashtagī se ab ye naqsha hai jahāñ dil thā

hameñ kam-baḳht ehsās-e-ḳhudī us dar pe le baiThā

ham uTh jaate to vo parda bhī uTh jaatā jo haa.il thā

kahāñ zauq-e-tan-āsānī meñ āsānī mayassar thī

talāsh-e-rāhat-e-manzil meñ dil gum-karda manzil thā

shikāyat sun ke ādāb-e-mohabbat kah diyā us ne

mujhe kah sun ke chup honā paḌā āḳhir ki qaa.il thā

zabān-e-'dāġh' o shān-e-'zauq' kuchh is meñ nahīñ 'nātiq'

are ye kyā hai tū to ham-navā-e-'nūh' o 'sā.il' thā

to aaKHir saz-e-hasti kyun tarab-ahang-e-mahfil tha

nashat-ain kaif-e-be-dili yarab agar dil tha

ba-faiz-e-be-KHudi aise maqam-e-shauq mein hum the

jahan kar-e-husul-e-muddaa tahsil-e-hasil tha

maqam-e-hu suwaida-e-mujarrad aalam-e-hairat

meri gum-gashtagi se ab ye naqsha hai jahan dil tha

hamein kam-baKHt ehsas-e-KHudi us dar pe le baiTha

hum uTh jate to wo parda bhi uTh jata jo hail tha

kahan zauq-e-tan-asani mein aasani mayassar thi

talash-e-rahat-e-manzil mein dil gum-karda manzil tha

shikayat sun ke aadab-e-mohabbat kah diya us ne

mujhe kah sun ke chup hona paDa aaKHir ki qail tha

zaban-e-'dagh' o shan-e-'zauq' kuchh is mein nahin 'natiq'

are ye kya hai tu to ham-nawa-e-'nuh' o 'sail' tha