to Thik hai chala lenge dua-salam se kaam

to Thiik hai chalā leñge duā-salām se kaam

ham aise rakhte haiñ vaise bhī apne kaam se kaam

mahāz-e-ishq pe miltī hai sābirīn ko fat.h

yahāñ pe chaltā nahīñ josh-e-intiqām se kaam

in āte-jāte ho.uuñ se bhalā ham aisoñ ko kyā

ki ham divānoñ ko mai se ġharaz hai jaam se kaam

hamārā naam jinheñ ek aañkh bhātā nahīñ

vo bhī nikāl rahe haiñ hamāre naam se kaam

rah-e-hayāt meñ chalte haiñ phūñk phūñk ke ham

so ham ko kyā bhalā tujh se subuk-ḳhirām se kaam

to Thik hai chala lenge dua-salam se kaam

hum aise rakhte hain waise bhi apne kaam se kaam

mahaz-e-ishq pe milti hai sabirin ko fath

yahan pe chalta nahin josh-e-intiqam se kaam

in aate-jate houn se bhala hum aison ko kya

ki hum diwanon ko mai se gharaz hai jam se kaam

hamara nam jinhen ek aankh bhata nahin

wo bhi nikal rahe hain hamare nam se kaam

rah-e-hayat mein chalte hain phunk phunk ke hum

so hum ko kya bhala tujh se subuk-KHiram se kaam