toD di usne wo zanjir hi dildari ki

toḌ dī us ne vo zanjīr hī dildārī kī

aur tash.hīr karo apnī giraftārī kī

ham to sahrā hue jaate the ki us ne aa kar

shahr ābād kiyā nahr-e-sabā jaarī kī

ham bhī kyā shai haiñ tabī.at milī sayyāra-shikār

aur taqdīr milī āhū-e-tātārī kī

itnā saada hai mirā māya-e-ḳhūbī ki mujhe

kabhī aadat na rahī ā.ina-bardārī kī

mire gum-gashta ġhazāloñ kā pata pūchhtā hai

fikr rakhtā hai masīhā mirī bīmārī kī

us ke lahje meñ koī chiiz to shāmil thī ki aaj

dil pe is harf-e-ināyat ne girāñ-bārī kī

toD di us ne wo zanjir hi dildari ki

aur tashhir karo apni giraftari ki

hum to sahra hue jate the ki us ne aa kar

shahr aabaad kiya nahr-e-saba jari ki

hum bhi kya shai hain tabiat mili sayyara-shikar

aur taqdir mili aahu-e-tatari ki

itna sada hai mera maya-e-KHubi ki mujhe

kabhi aadat na rahi aaina-bardari ki

mere gum-gashta ghazalon ka pata puchhta hai

fikr rakhta hai masiha meri bimari ki

us ke lahje mein koi chiz to shamil thi ki aaj

dil pe is harf-e-inayat ne giran-bari ki