nae kapDe badal aur baal bana tere chahne wale aur bhi hain
Interesting Fact
written in response to one of Nasir kazmi's ghazals ''nae kapDe badal kar jaauun kahaan aur baal banaauun kis ke liye"
na.e kapḌe badal aur baal banā tire chāhne vaale aur bhī haiñ
koī chhoḌ gayā ye shahr to kyā tire chāhne vaale aur bhī haiñ
ka.ī palkeñ haiñ aur peḌ ka.ī mahfūz hai ThanDak jin kī abhī
kahīñ duur na jā mat ḳhaak uḌā tire chāhne vaale aur bhī haiñ
kahtī hai ye shaam kī narm havā phir mahkegī is ghar kī fazā
nayā kamra sajā na.ī sham.a jalā tire chāhne vaale aur bhī haiñ
ka.ī phūloñ jaise log bhī haiñ inhī aise-vaise logoñ meñ
tū ġhairoñ ke mat naaz uThā tire chāhne vaale aur bhī haiñ
bechain hai kyuuñ ai 'nāsir' tū behāl hai kis kī ḳhātir tū
palkeñ to uThā chehra to dikhā tire chāhne vaale aur bhī haiñ
nae kapDe badal aur baal bana tere chahne wale aur bhi hain
koi chhoD gaya ye shahr to kya tere chahne wale aur bhi hain
kai palken hain aur peD kai mahfuz hai ThanDak jin ki abhi
kahin dur na ja mat KHak uDa tere chahne wale aur bhi hain
kahti hai ye sham ki narm hawa phir mahkegi is ghar ki faza
naya kamra saja nai shama jala tere chahne wale aur bhi hain
kai phulon jaise log bhi hain inhi aise-waise logon mein
tu ghairon ke mat naz uTha tere chahne wale aur bhi hain
bechain hai kyun ai 'nasir' tu behaal hai kis ki KHatir tu
palken to uTha chehra to dikha tere chahne wale aur bhi hain
- Book : Mazhab e Ishq (Pg. 383)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
