tujh bina dil ko be-qarari hai
tujh binā dil ko be-qarārī hai
dam-ba-dam mujh ko āh-o-zārī hai
haath tere jo dekhī hai talvār
aarzū dil ko jāñ-sipārī hai
mujh ko auroñ se kuchh nahīñ hai kaam
tujh se har dam umīd-vārī hai
ham se tujh ko nahīñ milāp kabhī
ye magar jag meñ taur-e-yārī hai
aah kuuñ dil meñ maiñ chhupātā huuñ
lāzim-e-ishq parda-dārī hai
gir rahā terī raah par 'fā.ez'
ishq kī shart ḳhāksārī hai
tujh bina dil ko be-qarari hai
dam-ba-dam mujh ko aah-o-zari hai
hath tere jo dekhi hai talwar
aarzu dil ko jaan-sipari hai
mujh ko auron se kuchh nahin hai kaam
tujh se har dam umid-wari hai
hum se tujh ko nahin milap kabhi
ye magar jag mein taur-e-yari hai
aah kun dil mein main chhupata hun
lazim-e-ishq parda-dari hai
gir raha teri rah par 'faez'
ishq ki shart KHaksari hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
