tujhko aghraaz-e-jahan se mawara samjha tha main

tujh ko aġhrāz-e-jahāñ se māvarā samjhā thā maiñ

paikar-e-iḳhlās tasvīr-e-vafā samjhā thā maiñ

jab liyā nām-e-ḳhudā kashtī kināre lag ga.ī

jaane kis kis bul-havas ko nāḳhudā samjhā thā maiñ

thā kisī zālim kā apnā mudda.ā-e-zindagī

jis ko apnī zindagī kā mudda.ā samjhā thā maiñ

thā kisī gum-karda-e-manzil kā naqsh-e-be-sabāt

jis ko mīr-e-kārvāñ kā naqsh-e-pā samjhā thā meñ

intihā-e-yās meñ ab kyā kahūñ? kis se kahūñ?

ibtidā-e-shauq meñ kis kis ko kyā samjhā thā maiñ

aa gayā jab aa gayā un ko ḳhayāl-e-iltifāt

apne shauq-e-dil ko 'bazmī' nā-rasā samjhā thā maiñ

tujh ko aghraaz-e-jahan se mawara samjha tha main

paikar-e-iKHlas taswir-e-wafa samjha tha main

jab liya nam-e-KHuda kashti kinare lag gai

jaane kis kis bul-hawas ko naKHuda samjha tha main

tha kisi zalim ka apna muddaa-e-zindagi

jis ko apni zindagi ka muddaa samjha tha main

tha kisi gum-karda-e-manzil ka naqsh-e-be-sabaat

jis ko mir-e-karwan ka naqsh-e-pa samjha tha mein

intiha-e-yas mein ab kya kahun? kis se kahun?

ibtida-e-shauq mein kis kis ko kya samjha tha main

aa gaya jab aa gaya un ko KHayal-e-iltifat

apne shauq-e-dil ko 'bazmi' na-rasa samjha tha main