tujhko kya batlaun kaun se achchhe hain

tujh ko kyā batlā.ūñ kaun se achchhe haiñ

tere qurb ke saare lamhe achchhe haiñ

tujh ko dekhe bin jo tujh ko dekhte haiñ

dekhne vāloñ se vo andhe achchhe haiñ

terī ik tasvīr hai saare kamroñ meñ

mere ghar ke saare kamre achchhe haiñ

tujh ko dekhne vaalī āñkheñ chūmūñgā

terī bāteñ karne vaale achchhe haiñ

tū ne jis message meñ pyaar jatāyā thā

saare message us ke jaise achchhe haiñ

jab terī tasvīr banā.ūñ to mujh ko

lagtā hai ki cell ke camere achchhe haiñ

whatsapp par to on nazar aa jaatī hai

jhagḌe meñ bhī itne rābte achchhe haiñ

terī āñkheñ paper yaar riyāzī ke

dil tak dekhne vaale kuliye achchhe haiñ

har message meñ dil hī bhejā jaatā hai

bātoñ se to yaar ishāre achchhe haiñ

tujh ko kya batlaun kaun se achchhe hain

tere qurb ke sare lamhe achchhe hain

tujh ko dekhe bin jo tujh ko dekhte hain

dekhne walon se wo andhe achchhe hain

teri ek taswir hai sare kamron mein

mere ghar ke sare kamre achchhe hain

tujh ko dekhne wali aankhen chumunga

teri baaten karne wale achchhe hain

tu ne jis message mein pyar jataya tha

sare message us ke jaise achchhe hain

jab teri taswir banaun to mujh ko

lagta hai ki cell ke camere achchhe hain

whatsapp par to on nazar aa jati hai

jhagDe mein bhi itne rabte achchhe hain

teri aankhen paper yar riyazi ke

dil tak dekhne wale kuliye achchhe hain

har message mein dil hi bheja jata hai

baaton se to yar ishaare achchhe hain