tujh lab ki sifat lal-e-badaKHshan sun kahunga

tujh lab kī sifat la.al-e-badaḳhshāñ suuñ kahūñgā

jaadū haiñ tire nain ġhazālāñ suuñ kahūñgā

dī bādshahī haq ne tujhe husn-nagar kī

yū kishvar-e-īrāñ meñ sulaimāñ suuñ kahūñgā

tārīf tire qad kī alif-vār sirījan

jā sarv-e-gulistāñ kuuñ ḳhush-alhāñ suuñ kahūñgā

mujh par na karo zulm tum ai laili-e-ḳhūbāñ

majnūñ huuñ tire ġham kuuñ bayābāñ suuñ kahūñgā

dekhā huuñ tujhe ḳhvāb meñ ai māya-e-ḳhūbī

is ḳhvāb ko jā yūsuf-e-kan.āñ suuñ kahūñgā

jaltā huuñ shab-o-roz tire ġham meñ ai sājan

ye soz tirā mash.al-e-sozāñ suuñ kahūñgā

yak nuqta tire safha-e-ruḳh par na.iñ bejā

is mukh ko tire safha-e-qur.āñ suuñ kahūñgā

qurbān parī mukh pe huī chob sī jal kar

ye baat ajā.ib mah-e-tābāñ suuñ kahūñgā

be-sabr na ho ai 'valī' is dard suuñ hargiz

jaltā huuñ tire dard meñ darmāñ suuñ kahūñgā

tujh lab ki sifat lal-e-badaKHshan sun kahunga

jadu hain tere nain ghazalan sun kahunga

di baadshahi haq ne tujhe husn-nagar ki

yu kishwar-e-iran mein sulaiman sun kahunga

tarif tere qad ki alif-war sirijan

ja sarw-e-gulistan kun KHush-alhan sun kahunga

mujh par na karo zulm tum ai laili-e-KHuban

majnun hun tere gham kun bayaban sun kahunga

dekha hun tujhe KHwab mein ai maya-e-KHubi

is KHwab ko ja yusuf-e-kanan sun kahunga

jalta hun shab-o-roz tere gham mein ai sajan

ye soz tera mashal-e-sozan sun kahunga

yak nuqta tere safha-e-ruKH par nain beja

is mukh ko tere safha-e-quran sun kahunga

qurban pari mukh pe hui chob si jal kar

ye baat ajaib mah-e-taban sun kahunga

be-sabr na ho ai 'wali' is dard sun hargiz

jalta hun tere dard mein darman sun kahunga