tujh mein paDa hua hun harakat nahin hai mujh mein
tujh meñ paḌā huā huuñ harakat nahīñ hai mujh meñ
hālat na pūchhiyo tū hālat nahīñ hai mujh meñ
ab to nazar meñ aa jā bāñhoñ ke ghar meñ aa jā
ai jaan terī koī sūrat nahīñ hai mujh meñ
ai rañg rañg meñ aa āġhosh-e-tañg meñ aa
bāteñ hī rañg kī haiñ rañgat nahīñ hai mujh meñ
apne meñ hī kisī kī ho rū-ba-rūī mujh ko
huuñ ḳhud se rū-ba-rū huuñ himmat nahīñ hai mujh meñ
ab to simaT ke aa jā aur ruuh meñ samā jā
vaise kisī kī pyāre vus.at nahīñ hai mujh meñ
shīshe ke is taraf se maiñ sab ko tak rahā huuñ
marne kī bhī kisī ko fursat nahīñ hai mujh meñ
tum mujh ko apne ram meñ le jaao saath apne
apne se ai ġhazālo vahshat nahīñ hai mujh meñ
tujh mein paDa hua hun harakat nahin hai mujh mein
haalat na puchhiyo tu haalat nahin hai mujh mein
ab to nazar mein aa ja banhon ke ghar mein aa ja
ai jaan teri koi surat nahin hai mujh mein
ai rang rang mein aa aaghosh-e-tang mein aa
baaten hi rang ki hain rangat nahin hai mujh mein
apne mein hi kisi ki ho ru-ba-rui mujh ko
hun KHud se ru-ba-ru hun himmat nahin hai mujh mein
ab to simaT ke aa ja aur ruh mein sama ja
waise kisi ki pyare wusat nahin hai mujh mein
shishe ke is taraf se main sab ko tak raha hun
marne ki bhi kisi ko fursat nahin hai mujh mein
tum mujh ko apne ram mein le jao sath apne
apne se ai ghazalo wahshat nahin hai mujh mein
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
