tujhse milne ki iltija kaisi

tujh se milne kī iltijā kaisī

hoñT par aa ga.ī duā kaisī

jhaḌ ga.e baal Dhīlī paḌ ga.ī khaal

dil meñ ab ḳhushbu-e-hinā kaisī

sej kyā hai baġhair sayyāñ ke

pāniyoñ ke bināñ ghaTā kaisī

dil meñ dar aanā dil ko kalpānā

daan kaisā hai ye dayā kaisī

koī hañgāma koī sar-nāma

varna is ziist meñ baqā kaisī

rishvateñ rahzanī Dakaitī qatl

lag ga.ī shahr ko havā kaisī

harf-e-haq zarf-e-kā.enāt banā

karbalā ho ga.ī kathā kaisī

shabd shobhā sakhī tirī lobhā

tū sakhī mujh se māvarā kaisī

intihā shauq kī tarah milnā

tujh se milne kī intihā kaisī

jal meñ Thahrā tirā mirā chehrā

kaisā dariyā thā vo sabhā kaisī

tujh se milne ki iltija kaisi

honT par aa gai dua kaisi

jhaD gae baal Dhili paD gai khaal

dil mein ab KHushbu-e-hina kaisi

sej kya hai baghair sayyan ke

paniyon ke binan ghaTa kaisi

dil mein dar aana dil ko kalpana

dan kaisa hai ye daya kaisi

koi hangama koi sar-nama

warna is zist mein baqa kaisi

rishwaten rahzani Dakaiti qatl

lag gai shahr ko hawa kaisi

harf-e-haq zarf-e-kaenat bana

karbala ho gai katha kaisi

shabd shobha sakhi teri lobha

tu sakhi mujh se mawara kaisi

intiha shauq ki tarah milna

tujh se milne ki intiha kaisi

jal mein Thahra tera mera chehra

kaisa dariya tha wo sabha kaisi