tujh se TuuTā rabt to phir aur kyā rah jā.egā
intishār-e-zāt kā ik silsila rah jā.egā
qurbateñ miT jā.eñgī aur fāsla rah jā.egā
chand yādoñ ke sivā bas aur kyā rah jā.egā
ye taġhāful ek din ik sāneha ban jā.egā
aks to kho jā.egā aur aa.ina rah jā.egā
vaqt meñ lamha sā maiñ tahlīl hotā jā.ūñgā
ḳhālī āñkhoñ se ye manzar dekhtā rah jā.egā
ek shā.ir ik hasīñ se sher kī ḳhātir miTā
vaqt kī tahvīl meñ ye vāqi.a rah jā.egā
sard-mehrī ke kohar meñ us kā chehra kyā mile
in dhuñdlakoñ meñ use tū DhūñDhtā rah jā.egā
ek saaya narm-o-nāzuk chhoḌ kar jo chal diyā
sar pe sūraj ik musāfir rāsta rah jā.egā
tujh se TuTa rabt to phir aur kya rah jaega
intishaar-e-zat ka ek silsila rah jaega
qurbaten miT jaengi aur fasla rah jaega
chand yaadon ke siwa bas aur kya rah jaega
ye taghaful ek din ek saneha ban jaega
aks to kho jaega aur aaina rah jaega
waqt mein lamha sa main tahlil hota jaunga
KHali aankhon se ye manzar dekhta rah jaega
ek shair ek hasin se sher ki KHatir miTa
waqt ki tahwil mein ye waqia rah jaega
sard-mehri ke kohar mein us ka chehra kya mile
in dhundlakon mein use tu DhunDhta rah jaega
ek saya narm-o-nazuk chhoD kar jo chal diya
sar pe suraj ek musafir rasta rah jaega
Source :
- Book : Tanha Tanha (Pg. 10)
- Author : Sayed Shakeel Desnavi
-
Publication : Adshot Publications,
(1989)
- Edition : 1989
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
