tujhe kya KHabar hai o be-KHabar meri jaan tujh pe nisar hai

tujhe kyā ḳhabar hai o be-ḳhabar mirī jaan tujh pe nisār hai

tirī shoḳh-o-shang adāoñ meñ mirī āshiqī kā ḳhumār hai

tū hī jān-e-jāñ tū hī rāzdāñ tū hī mere pyaar kī kahkashāñ

mire dil ke baaġh meñ āj-kal tire dam se fasl-e-bahār hai

maiñ batā sakūñgā bhalā kahāñ maiñ chhupā sakūñgā bhalā kahāñ

mirā dil kisī pe fidā huā mirī jaañ kisī pe nisār hai

na huuñ muztarib na huuñ mutma.in hai baḌī ajiib sī kaifiyat

hai buland-tar mirī fahm se koī aisī soch-bichār hai

tū mire chaman kā gulāb hai tū mirī vafā kā shabāb hai

na kisī kā tujh sā ḳhulūs hai na kisī kā tujh sā vaqār hai

tū milā hai mujh ko jahāñ kahīñ mire dil ke ġhunche khile vahīñ

mirī ḳhud-baḳhud hī jhukī jabīñ tū mirā hasīn nigār hai

tirā aaj 'sā.ir'-e-be-navā hai udāsiyoñ meñ ghirā huā

tire ġham meñ aise hai mubtalā use chain hai na qarār hai

tujhe kya KHabar hai o be-KHabar meri jaan tujh pe nisar hai

teri shoKH-o-shang adaon mein meri aashiqi ka KHumar hai

tu hi jaan-e-jaan tu hi raazdan tu hi mere pyar ki kahkashan

mere dil ke bagh mein aaj-kal tere dam se fasl-e-bahaar hai

main bata sakunga bhala kahan main chhupa sakunga bhala kahan

mera dil kisi pe fida hua meri jaan kisi pe nisar hai

na hun muztarib na hun mutmain hai baDi ajib si kaifiyat

hai buland-tar meri fahm se koi aisi soch-bichaar hai

tu mere chaman ka gulab hai tu meri wafa ka shabab hai

na kisi ka tujh sa KHulus hai na kisi ka tujh sa waqar hai

tu mila hai mujh ko jahan kahin mere dil ke ghunche khile wahin

meri KHud-baKHud hi jhuki jabin tu mera hasin nigar hai

tera aaj 'sair'-e-be-nawa hai udasiyon mein ghira hua

tere gham mein aise hai mubtala use chain hai na qarar hai