tujhe nama-bar qasam hai wahin din se raat karna
tujhe nāma-bar qasam hai vahīñ din se raat karnā
koī ek baat pūchhe to hazār baat karnā
nahīñ aur ḳhauf qāsid magar ek baat kā hai
jo raqīb bhī vahāñ ho bahut iltifāt karnā
vo ho tez-rau na paa.e koī tum ko hazrat-e-dil
rah-e-dost meñ jo chalnā to havā ko maat karnā
mire dil kī qīmat itnī na baḌhāo kaun legā
jo tumheñ na jāntā ho ye usī se ghaat karnā
nikal ā.eñge vo bāhar vahīñ shor sun ke ai dil
kabhī un ke ke ghar pe jā kar koī vārdāt karnā
vo karīm kyā nahīñ hai vo rahīm kyā nahīñ hai
kabhī 'dāġh' bhuul kar bhī na ġham-e-nijāt karnā
tujhe nama-bar qasam hai wahin din se raat karna
koi ek baat puchhe to hazar baat karna
nahin aur KHauf qasid magar ek baat ka hai
jo raqib bhi wahan ho bahut iltifat karna
wo ho tez-rau na pae koi tum ko hazrat-e-dil
rah-e-dost mein jo chalna to hawa ko mat karna
mere dil ki qimat itni na baDhao kaun lega
jo tumhein na jaanta ho ye usi se ghat karna
nikal aaenge wo bahar wahin shor sun ke ai dil
kabhi un ke ke ghar pe ja kar koi wardat karna
wo karim kya nahin hai wo rahim kya nahin hai
kabhi 'dagh' bhul kar bhi na gham-e-nijat karna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
