tum agar do na pairahan apna

tum agar do na pairahan apnā

charḳh se maañg luuñ kafan apnā

aage karte the is tarah pāmāl

yaad to kījiye chalan apnā

aaj ham jaan dene aa.e haiñ

kuchh dikhāte ho bāñkpan apnā

shāna zulfoñ meñ vaañ nahīñ uljhā

saañp dikhlā rahā hai phan apnā

yaad rakhiyo hamārī pāmālī

bhūliyo mat kabhī chalan apnā

yā kaho ham kueñ meñ Duub mareñ

yā dikhāo kūcha-e-zaqan apnā

ham vo bulbul nahīñ jo baaġh ko jaa.eñ

kūcha-e-yār hai chaman apnā

ham ko dikhlā ke tañg karte haiñ

gah kamar apnī gah dahan apnā

jis ko kahte haiñ log shahr kaḌā

ai 'saḳhī' hai vahī vatan apnā

tum agar do na pairahan apna

charKH se mang lun kafan apna

aage karte the is tarah pamal

yaad to kijiye chalan apna

aaj hum jaan dene aae hain

kuchh dikhate ho bankpan apna

shana zulfon mein wan nahin uljha

sanp dikhla raha hai phan apna

yaad rakhiyo hamari pamali

bhuliyo mat kabhi chalan apna

ya kaho hum kuen mein Dub maren

ya dikhao kucha-e-zaqan apna

hum wo bulbul nahin jo bagh ko jaen

kucha-e-yar hai chaman apna

hum ko dikhla ke tang karte hain

gah kamar apni gah dahan apna

jis ko kahte hain log shahr kaDa

ai 'saKHi' hai wahi watan apna