tum bhi rahne lage KHafa sahab

tum bhī rahne lage ḳhafā sāhab

kahīñ saaya mirā paḌā sāhab

hai ye banda hī bevafā sāhab

ġhair aur tum bhale bhalā sāhab

kyuuñ ulajhte ho jumbish-e-lab se

ḳhair hai maiñ ne kyā kiyā sāhab

kyuuñ lage dene ḳhatt-e-āzādī

kuchh gunah bhī ġhulām kā sāhab

haa.e rī chheḌ raat sun sun ke

haal merā kahā ki kyā sāhab

dam-e-āḳhir bhī tum nahīñ aate

bandagī ab ki maiñ chalā sāhab

sitam āzār zulm o jaur o jafā

jo kiyā so bhalā kiyā sāhab

kis se bigḌe the kis pe ġhussa thā

raat tum kis pe the ḳhafā sāhab

kis ko dete the gāliyāñ lākhoñ

kis kā shab zikr-e-ḳhair thā sāhab

nām-e-ishq-e-butāñ na lo 'momin'

kījiye bas ḳhudā ḳhudā sāhab

tum bhi rahne lage KHafa sahab

kahin saya mera paDa sahab

hai ye banda hi bewafa sahab

ghair aur tum bhale bhala sahab

kyun ulajhte ho jumbish-e-lab se

KHair hai main ne kya kiya sahab

kyun lage dene KHatt-e-azadi

kuchh gunah bhi ghulam ka sahab

hae ri chheD raat sun sun ke

haal mera kaha ki kya sahab

dam-e-aKHir bhi tum nahin aate

bandagi ab ki main chala sahab

sitam aazar zulm o jaur o jafa

jo kiya so bhala kiya sahab

kis se bigDe the kis pe ghussa tha

raat tum kis pe the KHafa sahab

kis ko dete the galiyan lakhon

kis ka shab zikr-e-KHair tha sahab

nam-e-ishq-e-butan na lo 'momin'

kijiye bas KHuda KHuda sahab