tum jis ko DhunDte ho ye mahfil nahin hai wo

tum jis ko DhūñDte ho ye mahfil nahīñ hai vo

logoñ ke is hujūm meñ shāmil nahīñ hai vo

rastoñ ke pech-o-ḳham ne kahīñ aur lā diyā

jaanā hameñ jahāñ thā ye manzil nahīñ hai vo

dariyā ke ruḳh ko moḌ ke aa.e to ye khulā

sāhil ke rañg aur haiñ sāhil nahīñ hai vo

duniyā meñ bhāg-dauḌ kā hāsil yahī to hai

hāsil har ek chiiz hai hāsil nahīñ hai vo

'ālam' dil-e-asīr ko samjhā.ūñ kis tarah

kam-baḳht e'tibār ke qābil nahīñ hai vo

tum jis ko DhunDte ho ye mahfil nahin hai wo

logon ke is hujum mein shamil nahin hai wo

raston ke pech-o-KHam ne kahin aur la diya

jaana hamein jahan tha ye manzil nahin hai wo

dariya ke ruKH ko moD ke aae to ye khula

sahil ke rang aur hain sahil nahin hai wo

duniya mein bhag-dauD ka hasil yahi to hai

hasil har ek chiz hai hasil nahin hai wo

'alam' dil-e-asir ko samjhaun kis tarah

kam-baKHt e'tibar ke qabil nahin hai wo