tum jo ho pas to kami kya hai

tum jo ho paas to kamī kyā hai

tum na ho to ye zindagī kyā hai

gardish-e-vaqt ye to batlā de

phuul kyā chiiz hai kalī kyā hai

koī lamha ruke to maiñ pūchhūñ

vaqt ko aisī bekalī kyā hai

ek sāñsoñ ke silsile ke sivā

ham ġharīboñ kī zindagī kyā hai

band kamroñ ke bāsiyoñ se na pūchh

sub.h kyā shai hai raushnī kyā hai

aql mab.hūt ho ga.ī fauran

jab bhī sochā ki zindagī kyā hai

in charāġhoñ tale añdherā hai

in charāġhoñ meñ raushnī kyā hai

adl bahrā hai gung hai mazlūm

koī kis se kahe koī kyā hai

haañ nahīñ hai to bas vafā varna

mere ahbāb meñ kamī kyā hai

tum jo ho pas to kami kya hai

tum na ho to ye zindagi kya hai

gardish-e-waqt ye to batla de

phul kya chiz hai kali kya hai

koi lamha ruke to main puchhun

waqt ko aisi bekali kya hai

ek sanson ke silsile ke siwa

hum gharibon ki zindagi kya hai

band kamron ke basiyon se na puchh

subh kya shai hai raushni kya hai

aql mabhut ho gai fauran

jab bhi socha ki zindagi kya hai

in charaghon tale andhera hai

in charaghon mein raushni kya hai

adl bahra hai gung hai mazlum

koi kis se kahe koi kya hai

han nahin hai to bas wafa warna

mere ahbab mein kami kya hai