tum jo mere haal se anjaan ho

tum jo mere haal se anjān ho

jaan lo tum hī to merī jaan ho

be-ḳhudī ne had pakaḌ lī hai kahīñ

un ke aane kā koī imkān ho

shaiḳh-jī vaa.iz bane dekhe jo kal

jaise nazroñ meñ koī shaitān ho

ishq aa kar raqs kartā hai yahīñ

dekh kar tum bhī yahī hairān ho

jis galī meñ hai mirī dīvāngī

vahshatoñ kā ab vahāñ elaan ho

is qalam se ab likho aisī ġhazal

jis se qaa.il hazrat-e-insān ho

ḳhud ko ḳhud se ḳhud hī ab ḳhālī karo

pheñk kar koī bhī jo sāmān ho

ishq kāmil kah gayā aise karo

zikr un kā saañs meñ har aan ho

aisā āshiq mujh ko tum lā do koī

neze par jis ne paḌhā qur.ān ho

tum jo mere haal se anjaan ho

jaan lo tum hi to meri jaan ho

be-KHudi ne had pakaD li hai kahin

un ke aane ka koi imkan ho

shaiKH-ji waiz bane dekhe jo kal

jaise nazron mein koi shaitan ho

ishq aa kar raqs karta hai yahin

dekh kar tum bhi yahi hairan ho

jis gali mein hai meri diwangi

wahshaton ka ab wahan elan ho

is qalam se ab likho aisi ghazal

jis se qail hazrat-e-insan ho

KHud ko KHud se KHud hi ab KHali karo

phenk kar koi bhi jo saman ho

ishq kaamil kah gaya aise karo

zikr un ka sans mein har aan ho

aisa aashiq mujh ko tum la do koi

neze par jis ne paDha quran ho