tumne kiya hai tumne ishaara bahut ghalat

tum ne kiyā hai tum ne ishārā bahut ġhalat

dariyā bahut durust kinārā bahut ġhalat

is haar meñ hai haath tumhārā bahut ġhalat

tum ne kiyā hai faisla saarā bahut ġhalat

ham Duub jaa.eñ apne hī ġham ke bahāo meñ

haañ haañ ġhalat ġhalat mire yaarā bahut ġhalat

is kisht-e-dil se is ke dil-e-reg-zār tak

bahne lagā hai ḳhuun kā dhārā bahut ġhalat

afsos mujh ko is pe sazā hijr kī milī

maiñ ne likhā thā naam tumhārā bahut ġhalat

maidāñ meñ ek fard bhī zinda na mil sakā

shab-ḳhūn us ne āḳhirī maarā bahut ġhalat

ham haiñ zamīñ ke log magar dekh ai falak

letā hai imtihāñ tū hamārā bahut ġhalat

hogā kisī to roz tumhārā hisāb bhī

tum ne kisī ġharīb ko maarā bahut ġhalat

vāqif thā apne ishq ke anjām se magar

phir bhī kisī pe jaan ko vaarā bahut ġhalat

ham dil-zadoñ ke vāste ye shab hī Thiik hai

niklā hai shab kā āḳhirī taarā bahut ġhalat

afsos ai 'nabīl' ye tum ne samajh liyā

dil ko bhī jal bujhā sā sharārā bahut ġhalat

chehra sadāqatoñ kā huā masḳh ai 'nabīl'

us ne bahāyā jhuuT kā dhārā bahut ġhalat

tum ne kiya hai tum ne ishaara bahut ghalat

dariya bahut durust kinara bahut ghalat

is haar mein hai hath tumhaara bahut ghalat

tum ne kiya hai faisla sara bahut ghalat

hum Dub jaen apne hi gham ke bahao mein

han han ghalat ghalat mere yara bahut ghalat

is kisht-e-dil se is ke dil-e-reg-zar tak

bahne laga hai KHun ka dhaara bahut ghalat

afsos mujh ko is pe saza hijr ki mili

main ne likha tha nam tumhaara bahut ghalat

maidan mein ek fard bhi zinda na mil saka

shab-KHun us ne aaKHiri mara bahut ghalat

hum hain zamin ke log magar dekh ai falak

leta hai imtihan tu hamara bahut ghalat

hoga kisi to roz tumhaara hisab bhi

tum ne kisi gharib ko mara bahut ghalat

waqif tha apne ishq ke anjam se magar

phir bhi kisi pe jaan ko wara bahut ghalat

hum dil-zadon ke waste ye shab hi Thik hai

nikla hai shab ka aaKHiri tara bahut ghalat

afsos ai 'nabil' ye tum ne samajh liya

dil ko bhi jal bujha sa sharara bahut ghalat

chehra sadaqaton ka hua masKH ai 'nabil'

us ne bahaya jhuT ka dhaara bahut ghalat