tum sunaoge naweden kitni

tum sunāoge navedeñ kitnī

ham ko tum se thī umīdeñ kitnī

ham hī maqrūz tumhāre Thahre

ghar meñ rakkhīñ haiñ rasīdeñ kitnī

kitnā bāñdhoge havā meñ gesū

kah bhī do aur tamhīdeñ kitnī

mezbāñ ghar kī huī hai mehmāñ

jaan ik jaañ se kashīdeñ kitnī

ḳhaak ab hogī khilaunoñ kī qazā

go dukāneñ hī ḳharīdeñ kitnī

tum sunaoge naweden kitni

hum ko tum se thi umiden kitni

hum hi maqruz tumhaare Thahre

ghar mein rakkhin hain rasiden kitni

kitna bandhoge hawa mein gesu

kah bhi do aur tamhiden kitni

mezban ghar ki hui hai mehman

jaan ek jaan se kashiden kitni

KHak ab hogi khilaunon ki qaza

go dukanen hi KHariden kitni