tum Tahniyon ki phul-jhaDiyon se jashn-e-shah-balut manana

tum Tahniyoñ kī phul-jhaḌiyoñ se jashn-e-shāh-balūt manānā

shahzāde ke shagūfe ko ik shāḳhcha-e-mazbūt batānā

sīnoñ ke ehrāmoñ vaale zinda ajūbe dhaḌ-dhaḌ dhaḌkeñ

nīm-diloñ ke niil kināre tab sāmān-e-hanūt bahānā

kuchh darbārī ghoḌoñ par bhagdaḌ se baḌī musībat ye hai

galī galī ke ḳhargoshoñ ko haal bahut marbūt sunānā

rang-birangī tasḳhīroñ ke bistar kā rūmān sañbhālo

pā.eñtī ḳhvāh judāgāna ho rakkho magar maḳhlūt sirhānā

mehrāb-o-mīnār-o-gumbad yaad kī ik tajsīm to hoñge

jab tā’mīr-e-mohabbat karnā har gosha maḳhrūt banānā

rasm-o-rāh baḌhī to husn ke har pahlū se 'ilāqa rahegā

ḳhitta-e-ḳhākī se rozāna ġhair-zarūrī ḳhutūt miTānā

merī gumTī par se ubhre aur us kī burjī meñ Duube

dil ke sitāre tere tulū' se mujh ko terā suqūt suhānā

tum Tahniyon ki phul-jhaDiyon se jashn-e-shah-balut manana

shahzade ke shagufe ko ek shaKHcha-e-mazbut batana

sinon ke ehramon wale zinda ajube dhaD-dhaD dhaDken

nim-dilon ke nil kinare tab saman-e-hanut bahana

kuchh darbari ghoDon par bhagdaD se baDi musibat ye hai

gali gali ke KHargoshon ko haal bahut marbut sunana

rang-birangi tasKHiron ke bistar ka ruman sanbhaalo

paenti KHwah judagana ho rakkho magar maKHlut sirhana

mehrab-o-minar-o-gumbad yaad ki ek tajsim to honge

jab ta’mir-e-mohabbat karna har gosha maKHrut banana

rasm-o-rah baDhi to husn ke har pahlu se 'ilaqa rahega

KHitta-e-KHaki se rozana ghair-zaruri KHutut miTana

meri gumTi par se ubhre aur us ki burji mein Dube

dil ke sitare tere tulu' se mujh ko tera suqut suhana