tum to bichhaDte waqt bhi pairon pe ghar gae

tum to bichhaḌte vaqt bhī pairoñ pe ghar ga.e

ham Thahre nā-tavāñ vahīñ dam bhar meñ mar ga.e

vo aa.e kab qarīb hamāre ye dekhiye

ham is jahān-e-fānī se jab kuuch kar ga.e

āh-o-fuġhāñ ke baad milā chain jab hameñ

kūcha-e-yār chhoḌ ke ham apne ghar ga.e

hairān huuñ badalte hue shahr dekh kar

galiyāñ kahāñ vo saarī vo raste kidhar ga.e

khulte hī aañkh merī hī tasvīr dekhnā

aisā kiye tumheñ to zamāne guzar ga.e

ujlat meñ ek ne lī charāġhoñ se dushmanī

ujlat meñ yaar dekhiye kitnoñ ke ghar ga.e

tum to bichhaDte waqt bhi pairon pe ghar gae

hum Thahre na-tawan wahin dam bhar mein mar gae

wo aae kab qarib hamare ye dekhiye

hum is jahan-e-fani se jab kuch kar gae

aah-o-fughan ke baad mila chain jab hamein

kucha-e-yar chhoD ke hum apne ghar gae

hairan hun badalte hue shahr dekh kar

galiyan kahan wo sari wo raste kidhar gae

khulte hi aankh meri hi taswir dekhna

aisa kiye tumhein to zamane guzar gae

ujlat mein ek ne li charaghon se dushmani

ujlat mein yar dekhiye kitnon ke ghar gae