tumhaara istiara aankh mein hai

tumhārā isti.āra aañkh meñ hai

jahāñ saare kā saarā aañkh meñ hai

jahāñ do dil mohabbat se mile the

vo manzar vo nazāra aañkh meñ hai

nazar kī vus.atoñ se dil kī had tak

tumhārā har ishāra aañkh meñ hai

jahāñ mere sahāre chhin ga.e the

vo sahrā be-sahārā aañkh meñ hai

tumhāre vasl ke lamhe se ab tak

tumhārā qurb saarā aañkh meñ hai

mohabbat ke hasīñ ḳhvāboñ ke badle

ye kis ġham kā ishāra aañkh meñ hai

mire ashk-e-ravāñ ye kah rahe haiñ

ki mauj-e-be-kināra aañkh meñ hai

udāsī ke diye ham-rāh le kar

shab-e-furqat kā taara aañkh meñ hai

jo vo ḳhāmosh ho to aañkh bole

suḳhan saare kā saarā aañkh meñ hai

jahāñ par tum bichhaḌ kar mil na paa.e

vo shām-e-be-nazāra aañkh meñ hai

tū merā jism hai jaañ hai tū merī

talab kā goshvārā aañkh meñ hai

tumhaara istiara aankh mein hai

jahan sare ka sara aankh mein hai

jahan do dil mohabbat se mile the

wo manzar wo nazara aankh mein hai

nazar ki wusaton se dil ki had tak

tumhaara har ishaara aankh mein hai

jahan mere sahaare chhin gae the

wo sahra be-sahaara aankh mein hai

tumhaare wasl ke lamhe se ab tak

tumhaara qurb sara aankh mein hai

mohabbat ke hasin KHwabon ke badle

ye kis gham ka ishaara aankh mein hai

mere ashk-e-rawan ye kah rahe hain

ki mauj-e-be-kinara aankh mein hai

udasi ke diye ham-rah le kar

shab-e-furqat ka tara aankh mein hai

jo wo KHamosh ho to aankh bole

suKHan sare ka sara aankh mein hai

jahan par tum bichhaD kar mil na pae

wo sham-e-be-nazara aankh mein hai

tu mera jism hai jaan hai tu meri

talab ka goshwara aankh mein hai