tumhaare aalam se mera aalam zara alag hai
tumhāre aalam se merā aalam zarā alag hai
ho tum bhī ġhamgīñ magar mirā ġham zarā alag hai
yahāñ pe hañsnā ravā hai ronā hai be-hayā.ī
suqūt-e-shahr-e-junūñ kā mātam zarā alag hai
khuleñge shāḳhoñ ke raaz ahl-e-chaman par ab ke
girah girah se ulajhtī shabnam zarā alag hai
tire tasavvur kī dhuup oḌhe khaḌā huuñ chhat par
mire liye sardiyoñ kā mausam zarā alag hai
zarā sā badlā huā hai tarz-e-kalām 'sābir'
vahī purāne haiñ lafz dam-ḳham zarā alag hai
tumhaare aalam se mera aalam zara alag hai
ho tum bhi ghamgin magar mera gham zara alag hai
yahan pe hansna rawa hai rona hai be-hayai
suqut-e-shahr-e-junun ka matam zara alag hai
khulenge shaKHon ke raaz ahl-e-chaman par ab ke
girah girah se ulajhti shabnam zara alag hai
tere tasawwur ki dhup oDhe khaDa hun chhat par
mere liye sardiyon ka mausam zara alag hai
zara sa badla hua hai tarz-e-kalam 'sabir'
wahi purane hain lafz dam-KHam zara alag hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
