tumhaare baad bhi ye taur iKHtiyar kiya

tumhāre baa'd bhī ye taur iḳhtiyār kiyā

vafā ḳhulūs-o-mohabbat pe e'tibār kiyā

hamāre naam se jalte the chand dīvāne

hamāre naam kī shohrat ne āshkār kiyā

maiñ jāntā thā ki maazī meñ shor barpā hai

kuchh is liye bhī sadāoñ ko darkinār kiyā

ham aise baḳht ke maare ki shahr meñ aa kar

libās-e-gardish-e-daurāñ bhī tār-tār kiyā

ye kis umiid pe dāman kī dhajjiyāñ karke

tamām 'umr rafūgar kā intizār kiyā

jahān-e-shauq ne mahdūd kar diyā thā magar

dayār-e-she’r ne vus'at se ham-kinār kiyā

tumhaare ba'd bhi ye taur iKHtiyar kiya

wafa KHulus-o-mohabbat pe e'tibar kiya

hamare nam se jalte the chand diwane

hamare nam ki shohrat ne aashkar kiya

main jaanta tha ki mazi mein shor barpa hai

kuchh is liye bhi sadaon ko darkinar kiya

hum aise baKHt ke mare ki shahr mein aa kar

libas-e-gardish-e-dauran bhi tar-tar kiya

ye kis umid pe daman ki dhajjiyan karke

tamam 'umr rafugar ka intizar kiya

jahan-e-shauq ne mahdud kar diya tha magar

dayar-e-she’r ne wus'at se ham-kinar kiya