tumhaare hijr mein kyun zindagi na mushkil ho

tumhāre hijr meñ kyuuñ zindagī na mushkil ho

tumhīñ jigar ho tumhīñ jaan ho tumhīñ dil ho

ajab nahīñ ki agar ā.īna muqābil ho

tumhārī teġh-e-adā ḳhud tumhārī qātil ho

na iḳhtilāf-e-mazāhib ke phir paḌeñ jhagḌe

hijāb apnī ḳhudī kā agar na haa.il ho

tumhārī teġh-e-adā kā fasāna suntā huuñ

mujhe to qatl karo dekhūñ to kaise qātil ho

hamārī aañkh ke parde meñ tum chhupo dekho

tumhārī aisī ho lailā to aisā mahmil ho

ye arz roz-e-jazā ham kareñge dāvar se

ki ḳhūñ-bahā maiñ hamāre havāle qātil ho

isī nazar se hai nūr-e-nigāh madd-e-nazar

mujhe habīb kā dīdār tā-ki hāsil ho

habīb kyuuñ na ho sūrat bhī achchhī sīrat bhī

har ek amr meñ tum rashk-e-māh-e-kāmil ho

ġhazab ye hai ki adū kā jhuuT sach Thahre

ham un se haq bhī kaheñ to gumān-e-bātil ho

mazā chakhā.ūñ tumheñ is hañsī kā rone par

ḳhudā kare kahīñ tum dil se mujh pe maa.il ho

tumhāre lab to haiñ jān-e-masīh o āb-e-baqā

ye kyā zamāne meñ mash.hūr hai ki qātil ho

tumhārī diid se sairāb ho nahīñ saktā

ki shakl-e-ā.ina muñh dekhne ke qābil ho

isī rafīq se ġhaflat hai aah ai 'afsar'

tumhāre kaam se jo ek dam na ġhāfil ho

tumhaare hijr mein kyun zindagi na mushkil ho

tumhin jigar ho tumhin jaan ho tumhin dil ho

ajab nahin ki agar aaina muqabil ho

tumhaari tegh-e-ada KHud tumhaari qatil ho

na iKHtilaf-e-mazahib ke phir paDen jhagDe

hijab apni KHudi ka agar na hail ho

tumhaari tegh-e-ada ka fasana sunta hun

mujhe to qatl karo dekhun to kaise qatil ho

hamari aankh ke parde mein tum chhupo dekho

tumhaari aisi ho laila to aisa mahmil ho

ye arz roz-e-jaza hum karenge dawar se

ki KHun-baha main hamare hawale qatil ho

isi nazar se hai nur-e-nigah madd-e-nazar

mujhe habib ka didar ta-ki hasil ho

habib kyun na ho surat bhi achchhi sirat bhi

har ek amr mein tum rashk-e-mah-e-kaamil ho

ghazab ye hai ki adu ka jhuT sach Thahre

hum un se haq bhi kahen to guman-e-baatil ho

maza chakhaun tumhein is hansi ka rone par

KHuda kare kahin tum dil se mujh pe mail ho

tumhaare lab to hain jaan-e-masih o aab-e-baqa

ye kya zamane mein mashhur hai ki qatil ho

tumhaari did se sairab ho nahin sakta

ki shakl-e-aina munh dekhne ke qabil ho

isi rafiq se ghaflat hai aah ai 'afsar'

tumhaare kaam se jo ek dam na ghafil ho