tumhaare jaane ka hum ko malal thoDi hai
tumhāre jaane kā ham ko malāl thoḌī hai
udāsiyoñ meñ tumhārā ḳhayāl thoḌī hai
manā.ūñ kis tarah holī maiñ dostoñ ke saath
haiñ sab ke haath meñ ḳhanjar gulāl thoḌī hai
mujhe ye ġham hai vo ab saath hai raqīboñ ke
ye aañkh us ke bichhaḌne se laal thoḌī hai
savāl ye hai havā aa.ī kis ishāre par
charāġh kis ke bujhe ye savāl thoḌī hai
karam hai us kā agar vo navāztā hai hameñ
hamāre sajdoñ kā is meñ kamāl thoḌī hai
tumhaare jaane ka hum ko malal thoDi hai
udasiyon mein tumhaara KHayal thoDi hai
manaun kis tarah holi main doston ke sath
hain sab ke hath mein KHanjar gulal thoDi hai
mujhe ye gham hai wo ab sath hai raqibon ke
ye aankh us ke bichhaDne se lal thoDi hai
sawal ye hai hawa aai kis ishaare par
charagh kis ke bujhe ye sawal thoDi hai
karam hai us ka agar wo nawazta hai hamein
hamare sajdon ka is mein kamal thoDi hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
