tumhaare lams ko KHud main utar sakta hun

tumhāre lams ko ḳhud maiñ utaar saktā huuñ

maiñ apne aap ko yuuñ bhī sañvār saktā huuñ

vo saañs saañs meñ ghulne lagā hai yuuñ mere

maiñ por por se us ko pukār saktā huuñ

mire ḳhayāl kī tāqat se tum nahīñ vāqif

zamīn par maiñ falak bhī utaar saktā huuñ

mire mizāj kī shiddat se tum to vāqif ho

tumheñ maiñ apnā banā kar bhī haar saktā huuñ

agar jo izn-e-mohabbat mujhe mile 'sā.im'

maiñ rome rome tirā bhī nikhār saktā huuñ

tumhaare lams ko KHud main utar sakta hun

main apne aap ko yun bhi sanwar sakta hun

wo sans sans mein ghulne laga hai yun mere

main por por se us ko pukar sakta hun

mere KHayal ki taqat se tum nahin waqif

zamin par main falak bhi utar sakta hun

mere mizaj ki shiddat se tum to waqif ho

tumhein main apna bana kar bhi haar sakta hun

agar jo izn-e-mohabbat mujhe mile 'saim'

main rome rome tera bhi nikhaar sakta hun