tumhaare sang hijrat kar rahe the

tumhāre sang hijrat kar rahe the

guloñ se rang hijrat kar rahe the

havā bojhal thī aur sahme parinde

zamīñ se tang hijrat kar rahe the

maiñ shāḳh-e-jān se lipTā thā lekin

mire pā-sang hijrat kar rahe the

larazte hoñT niile paḌ rahe the

badan se ang hijrat kar rahe the

lage the pagḌiyoñ ke pech khulne

so nām-o-nang hijrat kar rahe the

tumhaare sang hijrat kar rahe the

gulon se rang hijrat kar rahe the

hawa bojhal thi aur sahme parinde

zamin se tang hijrat kar rahe the

main shaKH-e-jaan se lipTa tha lekin

mere pa-sang hijrat kar rahe the

larazte honT nile paD rahe the

badan se ang hijrat kar rahe the

lage the pagDiyon ke pech khulne

so nam-o-nang hijrat kar rahe the